نيازيم   غيره   يوخدور    ،   ديلبر  جانان  اولان   يئرده

نه حاجت شمعه وار ، خورشيد نور افشان اولان يئرده

دانيشما قونچادان ، گؤلدن، سوز آچما قند و  شكردن

منيم ديلداريمين  شيرين  ،  لبي خندان  اولان  يئرده

نه ياز افسان لئيلادن  ، ن ه صحبت  ائيله  شيرين دن

منيم  جئيرانيمين  آي  حؤسنونه حئيران  اولان  يئرده

دئمه  دونياده  هر  درد دن  چتين دي ر آيريليق  دردي

آماندير ،  دورمايين عشق آتشي  وولقان  اولان يئرده

دئيين   جانانيما   بس دير  ،  داها  اغيار دان  ال  چك

ويصال  آسان  اولار ، تسليم  جان  آسان  اولان يئرده

نه حاجت  غيره وار ،  عالم  سنه  قوربان  اولان يئرده